ಚಪಾತಿ ಹಿಟ್ಟು ನುಣ್ಣಗೆ ಮಾಡುವ ಯಂತ್ರದಲ್ಲಿ ಕೈ ಸಿಲುಕಿ ಮಹಿಳೆ ಮೃತ್ಯು

 ಚಪಾತಿ ಹಿಟ್ಟು ನುಣ್ಣಗೆ ಮಾಡುವ ಯಂತ್ರದಲ್ಲಿ ಕೈ ಸಿಲುಕಿ ಸಂಸ್ಥೆಯ ಮಹಿಳೆ ದಾರುಣವಾಗಿ ಮೃತಪಟ್ಟ ಘಟನೆ ನಡೆದಿದೆ. ಮೂವಾಟ್ಡುಪುಯ ವಾಳಕ್ಕುಳಂ ಪಳ್ಳಿಕುನ್ನೆಲ್ ರೆಜಿಮೋಳ್ (52)  ಮೃತಪಟ್ಟ ಮಹಿಳೆ

ಶನಿವಾರ ಬೆಳಿಗ್ಗೆ 7 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ. ಮನೆಯ ಹತ್ತಿರವಿರುವ ಸಂಸ್ಥೆಯಲ್ಲಿ ಯಂತ್ರದ ಸಹಾಯದಿಂದ ಹಿಟ್ಟು ನುಣ್ಣಗೆ ಮಾಡುತ್ತಿದ್ದಾಗ ಈ ಅಪಘಾತ ಸಂಭವಿಸಿದೆ. ಯಂತ್ರದಿಂದ ಅಸಾಮಾನ್ಯ ಶಬ್ದ ಮತ್ತು ವಾಸನೆ ಬಂದ ಹಿನ್ನೆಲೆಯಲ್ಲಿ, ಸಂಸ್ಥೆಗೆ ಹೊಂದಿಕೊಂಡಿರುವ ಮನೆಯಿಂದ ಮಗ ಬಂದು ನೋಡಿದಾಗ ರೆಜಿಮೋಳ್ ಅವರು ಯಂತ್ರದಲ್ಲಿ ಕೈ ಸಿಲುಕಿಕೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ.

 ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ ರೆಜಿ ಅವರನ್ನು ತಕ್ಷಣವೇ ಹತ್ತಿರದ ಖಾಸಗಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಕೈಗಳಿಗೆ ಮತ್ತು ಪಕ್ಕೆಲುಬಿಗೆ ಗಂಭೀರ ಸ್ವರೂಪದ ಗಾಯಗಳಾಗಿದ್ದರಿಂದ ತೊಡುಪುಳದಲ್ಲಿರುವ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

ಚಿಕಿತ್ಸೆ ಪಡೆಯುತ್ತಿದ್ದ ವೇಳೆ ಭಾನುವಾರ ರಾತ್ರಿ 11:30 ರ ವೇಳೆ ಅವರು ಕೊನೆಯುಸಿರೆಳೆದರು. ಪತಿ ಜಸ್ಟಿನ್ ನಿಧನರಾದ ಬಳಿಕ ಮಕ್ಕಳನ್ನು ಬೆಳೆಸಲು ರೆಜಿಮೋಳ್  ಈ ಸ್ವ ಉದ್ಯೋಗವನ್ನು ಆರಂಭಿಸಿದ್ದರು.