ಬೇಕಲ ಕೋಟೆಯ ಬಳಿ ಸಮುದ್ರದಲ್ಲಿ ಸ್ನಾನಕ್ಕಿಳಿದ ಇಬ್ಬರು ವಿದ್ಯಾರ್ಥಿಗಳು ನಾಪತ್ತೆ

 ಕಾಸರಗೋಡು: ಬೇಕಲ ಕೋಟೆಯ ಬಳಿ ಸಮುದ್ರದಲ್ಲಿ ಸ್ನಾನಕ್ಕಿಳಿದ ಇಬ್ಬರು ವಿದ್ಯಾರ್ಥಿಗಳು ನಾಪತ್ತೆಯಾದ ಘಟನೆ ನಡೆದಿದೆ. ಇಬ್ಬರು ಪಾರಾಗಿದ್ದಾರೆ. ಕೊಟ್ಟಯಂ ಚಂಗನಾಶೇರಿ ನಿವಾಸಿಗಳಾದ ಅಂಕಿತ್(20), ಅಪ್ಪು ಟಿ ಅಬ್ರಹಾಂ (20) ನಾಪತ್ತೆಯಾದವರು.  ಇಂದು (ಆದಿತ್ಯವಾರ) ಸಾಯಂಕಾಲ 6.30 ರ ವೇಳೆ ಈ ಘಟನೆ ನಡೆದಿದೆ.

 ಕೊಟ್ಟಯಂ ಚಂಗನಾಶೇರಿಯಿಂದ ಪ್ರವಾಸ ಹೊರಟ ನಾಲ್ಕು ಮಂದಿಯ ತಂಡ ಬೇಕಲ ಕೋಟೆಯ ಬಳಿಯ ಪಳ್ಳಿಕ್ಕರೆ ಬೀಚ್ ನಲ್ಲಿ ಸಮುದ್ರದಲ್ಲಿ ಸ್ನಾನಕ್ಕಿಳಿದಾಗ ದುರಂತ ಉಂಟಾಗಿದೆ. ಮಾಹಿತಿ ತಿಳಿದು ಬೇಕಲ‌ ಪೊಲೀಸರು, ಸ್ಥಳೀಯರು ಆಗಮಿಸಿ ಹುಡುಕಾಟ ಆರಂಭಿಸಿದ್ದಾರೆ.