ಬದಿಯಡ್ಕದಲ್ಲಿ ಬಿವರೇಜಸ್ ಸರಕಾರೀ ಮದ್ಯದಂಗಡಿ ಆರಂಭ

 ಬದಿಯಡ್ಕ: ಕೇರಳ ರಾಜ್ಯ ಬಿವರೇಜಸ್ ಮದ್ಯದಂಗಡಿ (ಸಿವಿಲ್) ಬದಿಯಡ್ಕದಲ್ಲಿ ಆರಂಭಗೊಂಡಿದೆ. ಮುಳ್ಳೇರಿಯದಲ್ಲಿ ಕಾರ್ಯಾಚರಿಸುತ್ತಿದ್ದ ಮದ್ಯದಂಗಡಿ ಇಂದು ಬದಿಯಡ್ಕದಲ್ಲಿ ವ್ಯಾಪಾರ ಆರಂಭಿಸಿದೆ. ಇಂದು‌ ಮದ್ಯಾಹ್ನ 12 ಗಂಟೆಯಿಂದಲೇ ಮದ್ಯ ವ್ಯಾಪಾರ ಆರಂಭಗೊಂಡಿದ್ದು ಮದ್ಯ ಪ್ರಿಯರು ಬದಿಯಡ್ಕದತ್ತ ಧಾವಿಸುತ್ತಿದ್ದಾರೆ.

ಈ ಹಿಂದೆ ಬದಿಯಡ್ಕದಲ್ಲಿ ಕಾರ್ಯಾಚರಿಸುತ್ತಿದ್ದ ಬಿವರೇಜಸ್ ಮದ್ಯದಂಗಡಿ, ಹೆದ್ದಾರಿ ಸಂಬಂಧ ನ್ಯಾಯಾಲಯದ ಆದೇಶದ ಹಿನ್ನೆಲೆಯಲ್ಲಿ ಮುಳ್ಳೇರಿಯ ಪೇಟೆಗೆ ಸ್ಥಳಾಂತರಿಸಲಾಗಿತ್ತು. ಇದೀಗ ಮುಳ್ಳೇರಿಯ ಮದ್ಯದಂಗಡಿಯನ್ನು ಬದಿಯಡ್ಕಕ್ಕೆ ತರಲಾಗಿದೆ. ಮುಳ್ಳೇರಿಯ ಮದ್ಯದಂಗಡಿ ಮುಚ್ಚಲಾಗಿದೆ.

ಉದ್ಘಾಟನೆಯ ವೇಳೆ ಬಿವರೇಜಸ್ ಅಧಿಕಾರಿಗಳು, ಸಿಬಂದಿಗಳು, ವ್ಯಾಪಾರಿ ಪದಾಧಿಕಾರಿಗಳು, ಸಾರ್ವಜನಿಕರು ಉಪಸ್ಥಿತರಿದ್ದರು.