ಕಾಡು ಕೋಣ ದಾಳಿಯಲ್ಲಿ ಕೋರ್ಟ್ ಉದ್ಯೋಗಿ ಬಲಿ

ಕೋಜಿಕ್ಕೋಡು: ಕೋಜಿಕ್ಕೋಡು ಸಮೀಪದ ವಿಲಂಗಾಡ್‌ನಲ್ಲಿ ಕಾಡುಕೋಣ ದಾಳಿಯಲ್ಲಿ ಗಾಯಗೊಂಡಿದ್ದ ವ್ಯಕ್ತಿ ಮೃತಪಟ್ಟಿದ್ದಾರೆ. ವಾಯಾಡ್ ಉನ್ನತಿಯ ಸುನಿಲ್ ಎಂಬುವವರು ಕಾಡುಕೋಣದ ದಾಳಿಯಲ್ಲಿ ಮೃತಪಟ್ಟವರು.

ವಿಲಂಗಾಡ್ ವಾಯಾಡ್ ಉನ್ನತಿಯಲ್ಲಿ ಈ ಘಟನೆ ನಡೆದಿದೆ. ಜನವಸತಿ ಪ್ರದೇಶಕ್ಕೆ ಬಂದ ಕಾಡುಕೋಣವನ್ನು ಓಡಿಸುವ ಸಂದರ್ಭದಲ್ಲಿ ನಡೆದ ದಾಳಿಯಲ್ಲಿ ಸುನಿಲ್ ಅವರು ಸಾವನ್ನಪ್ಪಿದ್ದಾರೆ. ಸುನಿಲ್ ಅವರು ಚೆಂಗನ್ನೂರು ಕೋರ್ಟ್‌ನಲ್ಲಿ ಉದ್ಯೋಗಿಯಾಗಿದ್ದರು. ಗಂಭೀರವಾಗಿ ಗಾಯಗೊಂಡಿದ್ದ ಇವರನ್ನು ಕುಟ್ಟಿಯಾಡಿ ತಾಲೂಕು ಆಸ್ಪತ್ರೆಯಲ್ಲಿ ದಾಖಲಿಸಿದರೂ ಪ್ರಾಣ ಉಳಿಸಲಾಗಲಿಲ್ಲ.