ಕಾಲಡಿ ಶ್ರೀ ಶಂಕರಾಚಾರ್ಯ ಸಂಸ್ಕೃತ ವಿಶ್ವವಿದ್ಯಾಲಯದ ಉಪಕುಲತಿಯ ಸಾಂಕೇತಿಕ ಶವಸಂಸ್ಕಾರ ನಡೆಸಿದ ಎಸ್.ಎಫ್.ಐ; ವ್ಯಾಪಕ ಪ್ರತಿಭಟನೆ

 ಕಾಲಡಿ ಶ್ರೀ ಶಂಕರಾಚಾರ್ಯ ಸಂಸ್ಕೃತ ವಿಶ್ವವಿದ್ಯಾಲಯದಲ್ಲಿ ವೈಸ್ ಚಾನ್ಸಲರ್ ಪ್ರೊ. ಸಿಸಾ ಥಾಮಸ್ ವಿರುದ್ಧ ಎಸ್‌.ಎಫ್‌.ಐ (SFI) ವತಿಯಿಂದ ಸಾಂಕೇತಿಕ ಶವಸಂಸ್ಕಾರ ಪ್ರತಿಭಟನೆ ನಡೆಸಲಾಗಿದೆ. ಈ ಸಾಂಕೇತಿಕ ಶವಸಂಸ್ಕಾರ ನಡೆಸುವ ವೇಳೆ ಕ್ರೈಸ್ತ ಧರ್ಮೀಯರ ಆಚರಣೆಯಾದ 'ಒಪ್ಪೀಸ್' (Ofis/Requiem) ಪ್ರಾರ್ಥನೆಯ ಹಿನ್ನೆಲೆ ಸಂಗೀತವನ್ನು ಬಳಸಲಾಗಿದೆ ಎಂದು ಆರೋಪಿಸಲಾಗಿದೆ.

ವಿಶ್ವವಿದ್ಯಾಲಯದ ಸಿಂಡಿಕೇಟ್ ಸಭೆ ನಡೆಯುತ್ತಿದ್ದ ವೇಳೆ ಕ್ಯಾಂಪಸ್‌ನಲ್ಲಿರುವ ಶಂಕರಾಚಾರ್ಯರ ಪ್ರತಿಮೆಯ ಮುಂಭಾಗದಲ್ಲಿ ಎಸ್‌.ಎಫ್‌.ಐ ನ ಈ ಪ್ರತಿಭಟನಾ ಧರಣಿ ನಡೆಯಿತು. ವಿವಿಧ ವಿದ್ಯಾರ್ಥಿ ಬೇಡಿಕೆಗಳನ್ನು ಈಡೇರಿಸುವಂತೆ ಒತ್ತಾಯಿಸಿ ಕಳೆದ ಕೆಲವು ದಿನಗಳಿಂದ ಎಸ್‌.ಎಫ್‌.ಐ ವಿಶ್ವವಿದ್ಯಾಲಯದಲ್ಲಿ ಪ್ರತಿಭಟನೆ ನಡೆಸುತ್ತಿತ್ತು.

ಸಾಂಕೇತಿಕ ಶವಸಂಸ್ಕಾರದ ಈ ಘಟನೆಯು ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದಿದೆ ಎಂದು ಆರೋಪಿಸಿ 'ಸೇವ್ ಯೂನಿವರ್ಸಿಟಿ ಕ್ಯಾಂಪೇನ್ ಕಮಿಟಿ'ಯು ರಾಜ್ಯ ಗೃಹ ಸಚಿವರಿಗೆ ದೂರು ನೀಡಿದೆ. ಧಾರ್ಮಿಕ ಆಚರಣೆಗಳನ್ನು ಅವಮಾನಿಸುವ ರೀತಿಯಲ್ಲಿ ಪ್ರತಿಭಟನೆ ನಡೆಸಿದವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ದೂರಿನಲ್ಲಿ ಒತ್ತಾಯಿಸಲಾಗಿದೆ.