ಕಟ್ಟಡ ನಿರ್ಮಾಣ ಕೆಲಸದ ಮಧೈ ಕೆಳಕ್ಕೆ ಬಿದ್ದು ಕಾರ್ಮಿಕ ಮೃತ್ಯು

 ಸೀತಾಂಗೋಳಿ: ಕಟ್ಟಡ ನಿರ್ಮಾಣ ಕೆಲಸದ ಮಧೈ ಕೆಳಕ್ಕೆ ಬಿದ್ದು ಕಾರ್ಮಿಕ ಮೃತಪಟ್ಟ ದಾರುಣ ಘಟನೆ ನಡೆದಿದೆ. ಬೇಳ ಸಮೀಪದ ಕೊಳಂಬೆ ನಿವಾಸಿ ಫ್ರಾನ್ಸಿಸ್ ಡಿ.ಸೋಜ(47) ಮೃತಪಟ್ಟ ದುರ್ದೈವಿ. ನಿನ್ನೆ (ಶುಕ್ರವಾರ) ಸಾಯಂಕಾಲ  ಮುಜುಂಗಾವು ಬಳಿ ಈ ದುರ್ಘಟನೆ ನಡೆದಿದೆ. ಕೆಳಕ್ಕೆ ಬಿದ್ದ ಫ್ರಾನ್ಸಿಸ್ ಡಿ.ಸೋಜರನ್ನು ಜತೆಗಿದ್ದವರು ಕೂಡಲೇ ಆಸ್ಪತ್ರೆಗೆ ತಲುಪಿಸಿದರೂ ಪ್ರಾಣ ಉಳಿಸಲಾಗಲಿಲ್ಲ. ಕುಂಬಳೆ ಪೊಲೀಸರು ಕೇಸು ದಾಖಲಿಸಿದರು. ಇವರು ಮಾರ್ಸಲ್ ಡಿ.ಸೋಜ-ಪೌಲಿನ್ ಡಿ.ಸೋಜ ದಂಪತಿಯ ಪುತ್ರರಾಗಿದ್ದಾರೆ.‌ಮೃತರು ಸಹೋದರ ಸಹೋದರಿಯರಾದ ಪಾಟ್ರಿಕ್ ಡಿ.ಸೋಜ, ಮರಿಯ ಡಿ.ಸೋಜ, ಮಾರ್ಗರೇಟ್ ಡಿ.ಸೋಜ, ಲಿಲ್ಲಿ ಡಿ.ಸೋಜ, ಪ್ಲಾವಿಯ ಡಿ.ಸೋಜ, ಮಾಕ್ಸಿಂ ಮೆಲ್ವಿನ್ ಡಿ.ಸೋಜ,ಸಂದೀಪ್ ಡಿ.ಸೋಜ, ಬೆನೆಡಿಕ್ಟಾ ಡಿ.ಸೋಜ ಎಂಬಿವರನ್ನು ಅಗಲಿದ್ದಾರೆ.