ಕಣ್ಣೂರು: ಕಾಸರಗೋಡು ಸಹಿತ ನಾಲ್ಕು ಜಿಲ್ಲೆಗಳಲ್ಲಿ ವಿದ್ಯುತ್ ವ್ಯತ್ಯಯ ಉಂಟಾಗುವ ಸಾಧ್ಯತೆಯಿದೆ ಎಂದು ಕೆ.ಎಸ್.ಇ.ಬಿ (KSEB) ಮುನ್ನೆಚ್ಚರಿಕೆ ನೀಡಿದೆ. ಕಾಸರಗೋಡು, ಕೋಝಿಕೋಡ್, ವಯನಾಡ್, ಕಣ್ಣೂರು ಜಿಲ್ಲೆಗಳಲ್ಲಿ ಭಾಗಶಃ ವಿದ್ಯುತ್ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಬಹುದು.
ಇಂದಿನಿಂದ (ಮಂಗಳವಾರ) ಮುಂದಿನ ಏಳು ದಿನಗಳವರೆಗೆ ವಿದ್ಯುತ್ ನಿಯಂತ್ರಣ ಇರಲಿದೆ. ಪವರ್ಗ್ರಿಡ್ ಕಾರ್ಪೊರೇಷನ್ನ ಕೋಝಿಕೋಡ್ 400 ಕೆ.ವಿ. ಸಬ್ಸ್ಟೇಷನ್ನಲ್ಲಿರುವ ಟ್ರಾನ್ಸ್ಫಾರ್ಮರ್ ದುರಸ್ತಿ ಕಾರ್ಯ ನಡೆಯುತ್ತಿದೆ. ಟ್ರಾನ್ಸ್ಫಾರ್ಮರ್ನ 220 ಕೆ.ವಿ. ಬುಷಿಂಗ್ನಲ್ಲಿ ತಾಂತ್ರಿಕ ದೋಷ ಕಂಡುಬಂದಿರುವುದರಿಂದ, ತುರ್ತು ದುರಸ್ತಿ (Maintenance) ನಡೆಸಲು ಟ್ರಾನ್ಸ್ಫಾರ್ಮರ್ ಅನ್ನು ಶಟ್ಡೌನ್ ಮಾಡಲಾಗುತ್ತಿದೆ.
ಇದರಿಂದಾಗಿ ಉತ್ತರ ಕೇರಳದ ಈ ನಾಲ್ಕು ಜಿಲ್ಲೆಗಳ ಗ್ರಾಹಕರು ಮುಂದಿನ ಒಂದು ವಾರ ಸಹಕರಿಸಬೇಕೆಂದು ವಿದ್ಯುತ್ ಮಂಡಳಿ ವಿನಂತಿಸಿದೆ.
Tags
ಕಾಸರಗೋಡು