ಕಾಸರಗೋಡು: ಹೊಸದುರ್ಗ ಪೊಲೀಸ್ ಠಾಣಾ ವ್ಯಾಪ್ತಿಯ ಪಡನ್ನಕ್ಕಾಡ್ನಲ್ಲಿರುವ ಬೇಕಲ್ ಕ್ಲಬ್ನಲ್ಲಿ ಹಣವನ್ನಿಟ್ಟು 'ಪುತ್ತಿ ಮುರಿ' ಎಂಬ ಜೂಜಾಟವಾಡುತ್ತಿದ್ದ 16 ಜನರನ್ನು ಪೊಲೀಸರು ಬಂಧಿಸಿದ್ದಾರೆ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗೆ ಸಿಕ್ಕಿದ ಖಚಿತ ಮಾಹಿತಿಯ ಮೇರೆಗೆ ಎಸ್ಪಿ ಸ್ಕ್ವಾಡ್ ಮತ್ತು ಹೊಸದುರ್ಗ ಎಸ್ಐ ಸಿ.ಪಿ. ಜಿಜೇಶ್ ನೇತೃತ್ವದ ತಂಡ ನಡೆಸಿದ ದಾಳಿಯಲ್ಲಿ ಜೂಜಿನ ಅಡ್ಡೆಯಿಂದ 1,81,420 ರೂಪಾಯಿಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಅದೇ ಸಮಯದಲ್ಲಿ, ದಾಳಿ ನಡೆಸಿ ಮರಳುತ್ತಿದ್ದ ಪೊಲೀಸ್ ತಂಡದ ವಾಹನಕ್ಕೆ ಕಾರನ್ನು ಅಡ್ಡಗಟ್ಟಿ ತಡೆದಿದ್ದಕ್ಕಾಗಿ ಮತ್ತು ಪೊಲೀಸರ ಮೇಲೆ ಹಲ್ಲೆ ನಡೆಸಿದ್ದಕ್ಕಾಗಿ ಕಾಞಂಗಾಡ್ ಕೃಷ್ಣಪಿಳ್ಳೆ ನಗರದ ತೋನತ್ತುವಳಪ್ಪಿಲ್ ಟಿ.ವಿ. ಸುರೇಶ್ (48) ಎಂಬಾತನ ವಿರುದ್ಧ ಹೊಸದುರ್ಗ ಪೊಲೀಸರು ಮತ್ತೊಂದು ಪ್ರಕರಣ ದಾಖಲಿಸಿದ್ದಾರೆ. ಪೊಲೀಸ್ ವಾಹನವನ್ನು ತಡೆಹಿಡಿದು, ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಆರೋಪ ಇವನ ಮೇಲಿದೆ.
ಈ ದಾಳಿಯ ಸಂದರ್ಭದಲ್ಲಿ ನಡೆದ ಸಂಘರ್ಷದಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಯವರ ಸ್ಕ್ವಾಡ್ ಸದಸ್ಯರಾದ ರಾಹುಲ್, ರಜೀಶ್ ಕಾಟ್ಟಾಂಪಳ್ಳಿ ಮತ್ತು ಹೊಸದುರ್ಗ ಠಾಣೆಯ ಸಿವಿಲ್ ಪೊಲೀಸ್ ಅಧಿಕಾರಿ ವಿ.ಪಿ. ರಮೀಜ್ ಅವರಿಗೆ ಗಾಯಗಳಾಗಿವೆ.