ಅಡೂರು ಬಳವಂತ್ತಡ್ಕದಲ್ಲಿ ಸಿಡಿಲು ಬಡಿದು ಯುವಕ ಮೃತ್ಯು

 

ಅಡೂರು: ಸಿಡಿಲು ಬಡಿದು ಯುವಕ ಮೃತಪಟ್ಟ ಘಟನೆ ಅಡೂರು ಬಳವಂತ್ತಡ್ಕದಲ್ಲಿ ನಡೆದಿದೆ. ಕುಂಟಾರು ಉಯಿತ್ತಡ್ಕ ನಿವಾಸಿ ನೌಫಲ್(32) ಮೃತಪಟ್ಟ ಯುವಕ. ಇಂದು(ಮಂಗಳವಾರ) ಸಾಯಂಕಾಲ 7.30 ರ ವೇಳೆ ಈ ಘಟನೆ ನಡೆದಿದೆ.  ಬಳವಂತ್ತಡ್ಕದಲ್ಲಿನ ಸಂಬಂಧಿಕರ ಮನೆಯ ಸಿಟೌಟಿನಲ್ಲಿ ಕುಳಿತಿದ್ದಾಗ ಸಿಡಿಲು ಬಡಿದಿದೆ. ಕೂಡಲೇ ಅವರನ್ನು ಮುಳ್ಳೇರಿಯ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ  ಪ್ರಾಣ ಉಳಿಸಲಾಗಲಿಲ್ಲ. ಮೃತರು ಪತ್ನಿ ಸುಹರ, ಇಬ್ಬರು ಮಕ್ಕಳನ್ನು ಅಗಲಿದ್ದಾರೆ..ಮೃತರು ತಿರುವನಂತಪುರಂನಲ್ಲಿ ಜ್ಯೂಸ್ ಅಂಗಡಿಯಲ್ಲಿ ನೌಕರರಾಗಿ ಕೆಲಸ ಮಾಡುತ್ತಿದ್ದರು.