ಕೋಳಿ ಅಂಕದ ವಿರುದ್ದ ಕುಂಬಳೆ ಪೊಲೀಸರಿಂದ ಕಠಿಣ ಕ್ರಮ; ಎರಡು ಕೋಳಿಗಳ ಸಹಿತ‌ 3 ಮಂದಿಯ ಸೆರೆ

 ಕುಂಬಳೆ: ಕೋಳಿ ಅಂಕ ನಡೆಸುತ್ತಿದ್ದ ತಂಡದ ವಿರುದ್ಧ ಕುಂಬಳೆ ಪೊಲೀಸರು ಕಠಿಣ ಕ್ರಮ ಕೈಗೊಂಡಿದ್ದಾರೆ. ಜನವಸತಿಯಿಲ್ಲದ ಖಾಲಿ ಜಾಗದಲ್ಲಿ ಕೋಳಿ ಅಂಕದಲ್ಲಿ ತೊಡಗಿದ್ದ  3 ಮಂದಿಯನ್ನು ಎರಡು ಅಂಕದ ಕೋಳಿಗಳೊಂದಿಗೆ ಕುಂಬಳೆ ಪೊಲೀಸರು ಬಂಧಿಸಿದ್ದಾರೆ.

ಬಾಡೂರು ಪದವಿನ ಸತೀಶ (40), ಅಂಗಡಿಮೊಗರು ಅನಾಡಿ ಸೌಸಿನ ಚಂದ್ರನ್ (47), ಕುರುಡಪದವು ಕೊಮ್ಮಂಗಳದ ಗಣೇಶ (38) ಬಂಧಿತರಾಗಿದ್ದಾರೆ. ನಿನ್ನೆ ಸಂಜೆ 6 ಗಂಟೆಯ ಸುಮಾರಿಗೆ ಅಂಗಡಿಮೊಗರು ಜಂಕ್ಷನ್ ಬಳಿ ಖಾಲಿ ಜಾಗದಲ್ಲಿ 20ಕ್ಕೂ ಹೆಚ್ಚು ಜನರು ಸೇರಿ ಕೋಳಿ ಅಂಕ ನಡೆಸುತ್ತಿದ್ದಾರೆ ಎಂದು ಕುಂಬಳೆ ಎಸ್.ಐ. ಅನೂಪ್ ಅವರಿಗೆ ಲಭಿಸಿದ ಖಚಿತ ಮಾಹಿತಿಯ ಮೇರೆಗೆ ನಡೆಸಿದ ದಾಳಿಯಲ್ಲಿ ಮೂವರು ಸಿಕ್ಕಿಬಿದ್ದಿದ್ದಾರೆ. ಪೊಲೀಸರನ್ನು ಕಂಡ ಕೂಡಲೇ ಕೆಲವರು ಓಡಿ ಪರಾರಿಯಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.